dapat bang magdala ng trabaho sa bahay?

Pangkaraniwan na sa mga empleyado ang mag-uwi ng trabaho sa bahay, na kadalasang pinag-aawayan ng mga mag-asawa.

"maghapon ka na ngang wala, tapos pag-uwi mo, wala ka pa ring panahon sa min ng mga anak mo..." yan ang kadalasang linya ng partner mo.

Oo nga naman, dapat balanse lang ang buhay... me panahon para sa trabaho at me panahon para sa mga mahal sa buhay. yan ang dapat nating sanayin: balanseng buhay para sa masayang pagsasama!

naalala ko tuloy ang kapit-bahay ko. tahimik lang sila.... masaya,at palagi kong naririnig na nagtatawanan. nguni't isang araw nagulat ako sa aking narinig, iyakan ng mga bata, galit na galit na nanay, "walanghiya ka! bakit ka nag-uwi ng trabaho dito?

"pasensya na mahal, ang dami lang talagang trabaho, baka di ko matapos e kailangang mai-deliver na agad ito." sabi ng lalaki.

sa loob loob ko, minsan lang naman ata nag-uwi ng trabaho di pa pinagbigyan. tuloy pa rin ang sigawan, ang iyakan.... lubos na akong nabahala kaya kinatok ko sila.

"tao po, tao po, okay lang ba kayo dyan?" binuksan ng babae ang pinto at galit na galit na nagsumbong sa kin

"hay naku, nakakataas ng presyon tong asawa ko, nag-uwi ng trabaho dito sa bahay!"

"intindihin mo na lang, minsan lang naman ata ginawa eh ,baka sobrang dami lang talaga ng trabaho nya ngayon at meron pang deadline." ang sabi ko sa kanya.

Galit na galit ang babae na sinagot ako..."ay buwisit talaga, alam mo bang embalsamador ang asawa ko?"

:)