trees

parang puno, ganyan tayo.

may buhay, may panahon ng taglagas,

kelangang kumapit sa lupa kundi mabubuwal

mamamatay.

san ba tayo dadalhin ng hangin?

igugupo?

sisirain?

hahampasin?

sasabay, lalaban?

kakampi ba natin ang ulan?

kaisa ba natin ang araw?

sa pagyuko natin kasabay ng buwan

may bituin pa kayang

hahalik

sa hamog ng nakaraan?

sa muling pagsibol mula sa kinasadlakan

makikita pa kaya ang dating natatanaw?

o kawalan na lang

ang sasalubong sa dahon ng pagmamahal?

yumukod na lang sa takip silim

hayaang yakapin ng lamig

hayaang hagkan ng usig

sapagkat sa paggising

isang tinig

ang maghahatid

ng isang damping

kasing kinis ng tubig.